Rydym yn falch i ddathlu Wythnos Prentisiaethau 2023
Mae Wythnos Prentisiaethau yn ddathliad sy’n para wythnos a bob blwyddyn o ran prentisiaid a rhaglenni prentisiaethau, a gynhelir eleni rhwng 6 a 12 Chwefror.
Nod Wythnos Prentisiaethau yw tynnu sylw at bwysigrwydd prentisiaethau a datblygu'r sgiliau cywir i ddiogelu gyrfaoedd a busnesau at y dyfodol, a'r thema eleni yw 'Sgiliau am Oes'.
Yn Archwilio Cymru, rydyn ni o blaid darparu prentisiaethau a'r mewnwelediadau a'r safbwyntiau newydd gwerthfawr a ddaw yn eu sgil. Ein nod yw sicrhau pobl Cymru bod arian cyhoeddus yn cael ei reoli'n dda, ac mae ein prentisiaid yn rhan hanfodol o'r broses hon:
Mae'r cynllun Prentisiaeth Archwilio Ariannol yn rhoi cipolwg mawr ar effaith ein gwaith ledled Cymru.
Rydym yn falch o'n holl brentisiaid y mae llawer ohonynt wedi ennill gwobrau a chymryd rhan mewn cystadlaethau ac rydym am achub ar y cyfle hwn i ddiolch iddynt am eu holl ymroddiad a'u gwaith caled.
Trwy gydol yr wythnos, byddwn yn rhannu straeon gan brentisiaid y gorffennol a'r presennol, yn ogystal â siarad â'n Cyfarwyddwr Gweithredol ac Archwilydd Cyffredinol Cymru am y manteision a'r gwerth a ddaw yn sgil prentisiaid.
Mae gennym flogiau a phenodau podlediad am ein prentisiaethau felly cadwch lygad allan ar ein sianeli cyfryngau cymdeithasol am ragor o fanylion.
Dilynwch ni ar y sianeli cyfryngau cymdeithasol isod i ymuno â’n dathliad.
Twitter: @WalesAudit [yn agor mewn ffenestr newydd]
Facebook: @archwiliocymru [agorir mewn ffenest newydd]
LinkedIn: Archwilio Cymru [yn agor mewn ffenestr newydd]
Gallwch ganfod rhagor o fanylion am wythnos Genedlaethol Prentisiaethau ar wefan y llywodraeth [agorir mewn ffenest newydd].