Mae ceisiadau ar gyfer ein Rhaglen Brentisiaethau Cyllid ar agor

Oes gennych chi ddiddordeb mewn ennill a dysgu drwy gyfrwng prentisiaeth lefel uwch?

Yna darllenwch ymlaen i ganfod mwy am ein Rhaglen Brentisiaethau Cyllid!

Beth sy’n gynwysiedig?

Mae ein rhaglen yn gyfnod sefydlog tair blynedd ac mae wedi'i anelu at y rhai sydd am ddilyn gyrfa ym maes cyllid.  Byddwch yn chwarae rhan yn yr archwiliad o dros 800 o gyrff cyhoeddus ar draws Cymru wrth gwblhau hyfforddiant proffesiynol gyda'r Gymdeithas Technegwyr Cyfrifyddu (AAT) o lefel 2 i lefel 4.

Mae'r rhaglen gyffrous hon hefyd yn cael ei ategu gyda hyfforddiant proffesiynol ychwanegol a bydd gennych fentor a chyfeilydd hefyd i roi ganllaw i chi ar hyd y ffordd.

Eisiau gwybod mwy am gyfansoddiad y sector cyhoeddus? Wel, byddwch hefyd yn astudio ar gyfer modiwl cyllid penodol ar y sector cyhoeddus.

Yn Archwilio Cymru, rydym wir o blaid dyfodol ein prentisiaid a byddwn yn eich hyfforddi a'ch ategu drwy ein rhaglen brentisiaethau sy'n darparu llwybr posibl i'n cynllun i raddedigion.

Ydych chi'n chwilio am ffordd o wneud gwahaniaeth gwirioneddol i ddinasyddion Cymru? Yna, efallai bydd y rhaglen hon i chi!

Eisiau gwybod mwy am fod yn brentis yn Archwilio Cymru?

Mae ein prentisiaid wedi ennill gwobrau, darllenwch am ddyfarniad Prentis y Flwyddyn i Eleri Davies [yn agor mewn ffenest newydd] neu sut waeth criw o'n prentisiaid yng Nghystadleuaeth Sgiliau Cymru [yn agor mewn ffenest newydd].

Edrychwch ar adran newyddion a blogiau ein gwefan [yn agor mewn ffenestr newydd] lle dewch o hyd i straeon gan brentisiaid cyfredol a’r gorffennol.

Pam Archwilio Cymru?

Rydym yn cymryd dysgu a datblygu ein hyfforddeion o ddifrif, ac fe gewch eich ategu’n lawn tra byddwch yn cydbwyso eich astudiaethau â'ch swydd weithgar fel hyfforddai.

Rydym yn cynnig pecyn hael o fanteision:

• 33 diwrnod o wyliau blynyddol y flwyddyn (heb gynnwys gwyliau banc cyhoeddus)
• Pecyn cyflog hael
• Cynllun beicio i'r gwaith
• Disgowntiau siopa
• Tanysgrifiadau proffesiynol
• Cyfleoedd dysgu a datblygu helaeth, gan gynnwys trwyddedau LinkedIn

Y dyddiad cau ar gyfer gwneud cais yw 12 Ebrill 2023 ac rydym yn cynllunio i’r asesiadau ddigwydd yn yr wythnos sy’n dechrau ar Ebrill 24 2023. Ceir rhagor o wybodaeth ar sut i wneud cais a sut i fod yn gymwys ein gwefan [yn agor mewn ffenest newydd].