Rydym yn recriwtio Cyfarwyddwr Archwilio (Archwiliad Perfformiad) i arwain portffolio o waith archwilio perfformiad cenedlaethol a/neu leol. Mae hyn yn cynnwys asesu gwerth am arian a chymhwyso'r egwyddor datblygu cynaliadwy o dan Ddeddf Llesiant Cenedlaethau'r Dyfodol.

A ydych chi'n frwdfrydig am atebolrwydd a gwella gwasanaethau cyhoeddus? A ydych chi'n ffynnu ar ysbrydoli a grymuso eraill? Os ydych felly, gallai hon fod y swydd i chi.

Fel Cyfarwyddwr Archwilio, byddwch yn adeiladu perthynas â'r rhai sydd ar frig y cyrff rydym yn eu harchwilio, a'r rhai sy'n craffu arnynt, i ddylanwadu ar newid cadarnhaol. Byddwch yn modelu'r gwerthoedd a'r ymddygiadau sy'n sail i Archwilio Cymru, gan ddod ag egni ac arweinyddiaeth strategol i'n helpu i ysgogi gwelliant yng Nghymru. Byddwch hefyd yn sicrhau bod ein dull archwilio yn cadw i fyny â'r byd modern a'r materion sy'n bwysig i bobl, nawr ac ar gyfer y dyfodol.

Pam Archwilio Cymru?

Rydym yn sefydliad deinamig a chyfeillgar, gyda diwylliant ategol. Rydym yn angerddol am weithio gyda'r sector cyhoeddus yng Nghymru a gwneud gwahaniaeth i gymunedau lleol.

Manylion Allweddol:

• Contract parhaol.
• Prif swyddfa: Caerdydd, Penllergaer, neu Gyffordd Llandudno (gyda gweithio o bell hefyd yn bosibl.)
• Cyflog sylfaenol cystadleuol o £92,585 ar benodiad gyda chynnydd yn amodol ar berfformiad (brig y band cyflog yw £114,864).
• Wythnos waith 35 awr (gydag opsiynau gweithio hyblyg).
• 33 diwrnod o wyliau ynghyd ag 8 diwrnod o wyliau cyhoeddus
• Cynllun Pensiwn y Gwasanaeth Sifil (cyfraniad cyflogeion 7.35%; cyfraniad cyflogwr 28.97%).

• Treuliau adleoli o hyd at £8,000.

Yn barod i gael effaith?

Cliciwch drwodd i'n tudalen gyrfaoedd i ganfod mwy a gwneud cais.